काभ्रेपलाञ्चोक । काभ्रेपलाञ्चोकमा ट्रक दुर्घटना हुँदा चालकको मृत्यु भएको छ ।
दर्घटनामा परि ट्रक चालक सिन्धुलीको मरिण गाउँपालिका १ का २८ वर्षीय रमेश ठाडाको मृत्यु भएको हो । धुलिखेलबाट पाँचखालतर्फ जाँदै गरेको बा ५ ख १२८१ नम्वरको ट्रक पाँचखाल नगरपालिका ५ स्थित अरनीको लोकमार्गमा दुर्घटना हुँदा गम्भिर घाईते भएका चालक ठाडाको उपचारका क्रममा मृत्यु भएको हो ।
उनलाई दुर्घटना लगत्तै उद्धार गरि धुलिखेल अस्पताल लगिएकोमा उपचारका क्रममा मृत्यु भएको जिल्ला प्रहरी कार्यालय काभ्रेपलाञ्चोकका सूचना अधिकारी (डिएसपी) राजकुमार श्रेष्ठले जानकारी दिनुभयो । ट्रक आफै अनियन्त्रित भई सडकबाट अन्दाजी ७० मिटर तल खसेको प्रहरीले जनाएको छ ।
