काठमाडौं । नेपालमा आज एकै दिन कोरोना संक्रमणबाट १५ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १५ जना संक्रमितको मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या ११ हजार ६ सय ८७ पुगेको छ । आज थप ८ हजार १७ जनामा कोरोना संक्रमण पुष्टि भएको छ । पछिल्लो २४ घण्टामा १५ हजार ७ सय ३६ जनाको पीसीआर परीक्षण गर्दा ५ हजार ८ सय १६ जना र ६ हजार ७२ जनाको एन्टिजेन परीक्षण गर्दा २ हजार २ सय १ जना गरी ८ हजार १७ जनामा कोरोना भाइरसको संक्रमण पुष्टि भएको हो । योसँगै नेपालमा कोरोना संक्रमितको संख्या १० लाख ६२ हजार १ सय ५ पुगेको छ । पछिल्लो २४ घण्टामा ५ हजार २ सय ९२ जना कोरोना संक्रमण मुक्त भएका छन् । हालसम्म ८ लाख ३७ हजार ४ जनाले कोरोना जितिसकेका छन् । स्वास्थ्य मन्त्रालयका अनुसार हाल मुलुकभर ९० हजार ५ सय ७६ जना सक्रिय संक्रमित रहेका छन् ।
।
