काठमाडौं । नेपालमा कोरोना संक्रमणबाट आज एकै दिन १० जनाको मृत्यु भएको छ ।
पछिल्लो २४ घण्टामा कोरोना संक्रमणका कारण १० जनाको मृत्यु भएको हो । योसँगै नेपालमा कोरोनाबाट मृत्यु हुनेको संख्या ११ हजार ६ सय ९७ पुगेको छ । आज थप ६ हजार ८ सय २७ जना संक्रमित थपिएका छन् । १३ हजार ७ सय ९१ जनाको पिसिआर परीक्षण गर्दा ४ हजार ८ सय ७ जना र ६ हजार ७८ जनाको एन्टिजेन परीक्षण गर्दा २ हजार २० जना गरी ६ हजार ८ सय २७ जनामा संक्रमण पुष्टि भएको हो । योसँगै नेपालमा कोरोना संक्रमितको संख्या १० लाख ६८ हजार ९ सय ३२ पुगेको छ ।
पछिल्लो २४ घण्टामा ५ हजार ४ सय ३५ जना कोरोना मुक्त भएका छन् । योसँगै कोरोना संक्रमण निको हुनेको संख्या ८ लाख ४२ हजार ४ सय ३६ पुगेको छ । हाल मुलुकभर ८९ हजार ९ सय ४१ जना सक्रिय कोरोना संक्रमित रहेका छन् ।
