हेटौंडा । बागमती प्रदेशसभाको दुई वटा समितिको सभापति चयन गर्न निर्वाचन हुने भएको छ ।
प्रदेशसभा सचिवालयले आज सुचना जारी गर्दै अर्थ तथा विकास समिति र शिक्षा, स्वास्थ्य तथा कृषि समितिको सभापति चयन गर्न निर्वाचन हुने जानकारी गराएको हो । सचिवालयले निर्वाचनको कार्यतालिका पनि सार्वजनिक गरेको छ । सो समितिहरुको सभापति चयन गर्न माघ १७ गते निर्वाचन गर्ने सुचनामा उल्लेख गरिएको छ । गत वैशाखदेखि रिक्त रहेको अर्थ तथा विकास समितिमा २२ जना सदस्यमध्ये एक जना सभापति चयन हुनेछन् भने शिक्षा स्वास्थ्य तथा कृषि समितिका १९ जना सदस्यमध्ये एक जना सभापति चयन हुनेछन् ।
