रामेछाप । रामेछापको दोरम्बा शैलुङ गाउँपालिकामा आएको पहिरोमा परी बेपत्ता भएका एक युवतीको शव फेला परेको छ ।
दोरम्बा शैलुङ गाउँपालिका–३ लेखखर्कस्थि पहिरोमा परी बेपत्ता भएकी २३ वर्षीया बिन्दा पहरीको शव फेला परेको हो । सुनापती गाउँपालिका–४ स्थित खानी खोलाको किनारमाथि रातो नङ पालिस लगाएको महिलाको जस्तो देखिने बायाँ खुट्टाको गोलीगाँठा मुनिको पैतालाको भाग फेला परेको भन्ने सूचनाको आधारमा प्रहरी टोली खटिएको थियो । सोही क्रममा अनुसन्धान गर्ने क्रममा बिन्दाको शव रहेको पुष्टि भएको जिल्ला प्रहरी कार्यालय रामेछापका सूचना अधिकारी (इन्स्पेक्टर) कौशल न्यौपानेले जानकारी दिनुभयो ।
