काठमाडौँ । नेपाली सेनाको प्रधान सेनापतिमा अशोकराज सिग्देल नियुक्त भएका छन् ।
राष्ट्रपति रामचन्द्र पौडेलले २४ भदौदेखि लागु हुने गरि सिग्देललाई प्रधान सेनापतिमा नियुक्त गर्नुभएको हो । प्रधानसेनापति प्रभुराम शर्माको कार्यकाल २४ भदौमा समाप्त हुँदैछ । कार्यकाल समाप्त हुनु एक महिनाअघि शर्मा बिदामा बसेकाले हाल सिग्देल कायम मुकायम प्रधानसेनापति रहेका थिए ।
शर्माको अवकाससँगै सिग्देलले प्रधानसेनापतिको जिम्मेवारी पुर्ण रुपमा सम्हाल्नेछन् । सिग्देलले आगामी तीन वर्ष नेपाली सेनाको कमाण्ड गर्नेछन् । ३७ वर्षीय सैनिक सेवामा सिग्देलसँग स्वदेश तथा विदेशमा विभिन्न युनिटको नेतृत्व गरेको अनुभव छ ।
