काठमाडौँ । काठमाडौँको वनस्थलीस्थित नालामा मोटरसाइकल खस्दा सिन्धुपाल्चोकका युवक बेपत्ता भएका छन् ।
बिहिबारदेखि लगातार परिरहेको वर्षाका कारण नालामा मोटरसाइकल खस्दा सिन्धुपाल्चोक घर भई हाल काठमाडौँको रानीवन बस्दै आएका १९ वर्षीय राजन श्रेष्ठ बेपत्ता भएका हुन् । वनस्थलीस्थित अन्नपूर्ण चोकमा बागमती प्रदेश–०२–०१८ प २९७३ नम्बरको हिरो मोटरसाइकलमा सवार श्रेष्ठ बेपत्ता भएको प्रहरीले जनाएको छ ।
खोजी गर्ने क्रममा मोटरसाइकल भेटिएपनि श्रेष्ठको भने खोजीकार्य जारी रहेको जिल्ला प्रहरी परिसर काठमाडौँका एसपी नवराज अधिकारीले जानकारी दिनुभयो । उहाँका अनुसार नेपाल प्रहरीको विपद् व्यवस्थापन टोलीले खोजी जारी राखेको छ ।
