दोलखा । नेकपा एमाले निकट राष्ट्रिय युवा संघ दोलखा र अनेरास्ववियूले स्थानीय तहको निर्वाचनको माग गर्दै दोलखामा मशाल जुलुश प्रदर्शन गरेको छ ।
युवा संघ र अनेरास्ववियूका कार्यकर्ताले सदरमुकाम चरिकोटमा आज साँझ मसाल जुलुश प्रदर्शन गरेका हुन् । उनीहरुले स्थानीय तहको निर्वाचन यथासक्य चाँडो गर्न माग गरेका छन् । प्रदर्शनका क्रममा युवा तथा बिद्यार्थीले स्थानीय तहको निर्वाचन घोषणाको माग गर्दै नारावाजी गरेका थिए ।
मसाल जुलुश प्रदर्शनपछि सातदोवाटो चोकमा आयोजित कोण सभालाई सम्वोधन गर्दै युवा र बिद्यार्थी नेताहरुले बर्तमान सरकारले स्थानीय तहको निर्वाचन सारेर लोकतान्त्रिक विधि र प्रक्रियालाई समाप्त पार्न खोजेको आरोप लगाएका थिए ।
