सिन्धुली । सिन्धुलीको कमलामाई नगरपालिकामा बेहोस अवस्थामा फेला परेका एक पुरुषको मृत्यु भएको छ ।
विपी लोकमार्गमा फेला परेका अन्दाजी ६५ वर्षीय नाम, थर, वतन नखुलेका एक पुरुषको आज बिहान मृत्यु भएको हो । उनी हिजो कमलामाई नगरपालिका–२ पिपल भन्ज्याङमा बेहोस अवस्थामा फेला परेको सिन्धुली प्रहरीले जनाएको छ । बेहोस अवस्थामा फेला परेका उनको दायाँ खुट्टामा चोट लागेको थियो । उनको आज बिहान जिल्ला अस्पतालमा उपचारको क्रममा मृत्यु भएको प्रहरीले जनाएको छ । प्रहरीका अनुसार घटनाबारे थप अनुसन्धान भइरहेको छ ।
