जिरी (दोलखा) । दोलखाको गौरीशंकर गाउँपालिकामा ट्रयाक्टर जोत्ने क्रममा लडेर एक पुरुष घाइते भएका छन् ।
गौरीशंकर गाउँपालिका –८ कसेरी घर भएका ३७ वर्षीय सुवास तामाङ घाइते भएका हुन् । हिजो गौरीशंकर –८ कै श्याम बहादुर खड्काको खेत जोत्ने क्रममा ट्रयाक्टर अनियन्त्रित भई पल्टिएको थियो । तामाङलाई सिंगटीमा सामान्य उपचारपछि थप उपचारका लागि काठमाडौंको ट्रमा सेन्टर पठाईएको दोलखाका प्रहरी निरीक्षक दाताराम अधिकारीले जानकारी दिनुभयो ।
