काठमाडौँ । प्रधानमन्त्री केपी शर्मा ओली स्वदेश फिर्ता हुनुभएको छ ।
प्रधानमन्त्री ओली अमेरिका भ्रमण सकेर आज अपरान्ह साँढे ४ बजे त्रिभुवन अन्तराष्ट्रिय विमानस्थलमा अवतरण गर्नुभएको हो । अमेरिकाको बोस्टनबाट कतारको दोहा हुँदै काठमाडौँ आउनुभएका प्रधानमन्त्री असोज ४ गते न्युयोर्क प्रस्थान गर्नुभएको थियो । उहाँले असोज १० गते संयुक्त राष्ट्रसंघ महासभाको ७९ औँ महासभालाई सम्बोधन गर्नुभएको थियो । प्रधानमन्त्री ओलीलाई सभामुख देवराज घिमिरे, राष्ट्रियसभा अध्यक्ष नारायण दहाल, उपप्रधानमन्त्रीद्धय प्रकाशमान सिंह र विष्णु पौडेल लगायतले त्रिभुवन अन्तराष्ट्रिय विमानस्थल पुगेर स्वागत गरेका थिए ।
