सर्लाही । सर्लाहीमा स्यालको आक्रमणबाट १३ जना घाईते भएका छन् ।
जंगलबाट गाउँ पसेको स्यालको समहुले बस्तीमा रहेका मानिसहरुमाथि जथाभावि आक्रमण गरेको हो । प्रहरीका अनुसार स्यालको आक्रमणबाट बसवारिया गाउँपालिकाका ९, गोडैता नगरपालिकाका ३ तथा बलरा नगरपालिकाका १ जना घाईते भएको प्रहरीले जनाएको छ । खेतबाट काम गरेर घर फर्किदै गरेका तथा घरमै बसिरहेका स्थानीयलाई स्यालले आक्रमण गरेको सर्लाहीका प्रहरी नायव उपरिक्षक (डिएसपी) दीपक श्रेष्ठले जानकारी दिनुुभयो ।
स्यालको आक्रमणबाट घाईते भएका दुई जनालाई उपचारका लागि काठमाडौँ पठाईएको छ भने अन्य घाईतेको मधेश स्वास्थ्य विज्ञान प्रतिष्ठान जनकपुरमा उपचार भईरहेको छ ।
