जिरी (दोलखा) । माली युवा क्लबले आयोजना गरेको दोस्रो जिरी नगरपालिका वडा स्तरीय पुरुष भलिबलको उपाधी जिरी नगरपालिका वडा नम्बर(१ को ए टिमले हात पारेको छ ।
आज भएको फाइनल खेलमा जिरी नगरपालिका वडा नम्बर(२ ए टिमलाई पराजित गर्दै वडा नम्बर(१ को ए टिमले उपाधी जितेको हो । तेस्रो स्थानको लागि भएको खेलमा जिरी नगरपालिका वडा नम्बर(१ बि टिमले जिरी नगरपालिका वडा नम्बर ३( ए टिमलाई पराजित गरेको छ । प्रथम, द्वितिय र तृतीय हुने टिमले शिल्ड, मेडल प्रमाण पत्र सहित नगद क्रमश ४० हजार , ३० हजार र २० हजार रुपैया प्राप्त गरेका छन ।
यस्तै सान्त्वना हुने टिमले १० हजार रुपैयाँ प्राप्त गरेको छ। बिजयी टिम तथा खेलाडीहरूलाई नेपाली कांग्रेस जिरी नगर समितिका सभापति र जिरी नगरपालिका खेलकुद समितिका सभापति एवम् वडा अध्यक्ष खेटराज घिमिरेले पुरस्कार तथा प्रमाणपत्र वितरण गर्नु भएको थियो ।
कार्तिक १४ गतेबाट सुरु भएको खेलमा १० वटा टिमको सहभागिता रहेको आयोजक संस्थाका अध्यक्ष लाक्पा दोर्जी शेर्पाले जानकारी दिनुभयो ।
