काठमाडौं । राष्ट्रिय स्वतन्त्र पार्टीले सरकारमा सहभागी हुने चार जनाको नाम टुंगो लगाएको छ ।
गठबन्धनमा भएको सहमतिअनुसार रास्वपाले आफ्नो भागमा परेको ४ मन्त्रालयमा बन्ने मन्त्रीको नाम टुङग्याएको हो । रास्वपाले पाउने चार मन्त्रालय र पार्टीबाट पठाउने व्यक्तिको चयन भएको पार्टी उपसभापति डा. स्वर्णिम वाग्लेले जानकारी दिनुभयो । जसअनुसार गृह मन्त्रालयमा पार्टी सभापति रवि लामिछाने, श्रममा उपसभापति डीपी अर्याल, युवा तथा खेलकुदमा विराजभक्त श्रेष्ठ र शिक्षामा सुमना श्रेष्ठलाई पठाउने निर्णय भएको छ ।